ياللي فتحت البتاع كلمات

من طرف عيسى السيد الإثنين أغسطس 03, 2020 11:40 am

ياللي فتحت البتاع

قصيدة سياسية من أجمل القصائد الساخرة للراحل " أحمد فؤاد نجم"، هي قصيدة "البتاع" التي تتحدث عن الانفتاح الاقتصادي الذي شهدته جمهورية مصر العربية في خلال عهد الرئيس الراحل بطل الحرب والسلام " الرئيس محمد أنور السادات"، حيث كان أحمد فؤاد نجم في هذا الوقت يعتبر واحدا من أشد المعارضين لهذا الانفتاح بسبب ميوله الاشتراكية التي كانت ضد ما يعيشه الشعب المصري في تلك الفترة العصيبة التي ارتفعت فيها معدلات الفقر بصورة مأساوية، و بسبب أفكاره تلك كان الرئيس الراحل محمد أنور السادات يطلق عليه لقب " الشاعر البذيء"، بينما وصفه الشاعر الفرنسي لويس أراغون بأنه له قوة تسقط الأسوار، وفي عام 2007م اختارته المجموعة العربية في صندوق مكافحة الفقر التابعة للأمم المتحدة سفيرا للفقراء .

ياللي فتحت البتاع كلمات

يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !

وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول

وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

توضيح و شرح لقصيدة " البتاع " وما هو المقصود به

هنا بين القوسين سوف تجد شرح وتوضيح لمعنى كلمة البتاع في بعض الأبيات الشعرية الواردة في تلك القصيدة:

يا للي فتحت البتاع (الإقتصاد)
فتحك على مقفول
لأن أصل البتاع (الإنفتاح)
واصل على موصول
فأى شئ في البتاع (الفساد)
الناس تشوف على طول
والناس تموت في البتاع (الكلام)
فيبقي مين مسؤول ؟
وإزاي حتفتح بتاع (إقتصاد)
في وسط ناس بتقول
بأن هذا البتاع (الإنفتاح)
جاب الخراب مشمول
لأنه حتة بتاع (محمد أنور السادات)
جاهل غبي مخبول
أمر بفتح البتاع (الإقتصاد)
لأنه كان مسطول !
وبعد فتح البتاع (الإقتصاد)
جابوا الهواالمنقول
نكس عشوش البتاع (الغلابة و الفقراء)
وهد كل أصول
وفات في غيط البتاع (الفلاح)
قام سمم المحصول
وخلا لون البتاع (الزرع)
أصفرحزين مهزول
وساد قانون البتاع (الغاب)
ولا علة ولا معلول
فالقاضي بتع البتاع (الظالم)
فالحق ع المقتول
والجهل زاد في البتاع (الناس)
ولا مقري
ولا منقول
والخوف سرح في البتاع (البلاد)
خلا الديابه تصول
ويبقي البتاع في البتاع ( الظلم في البلد )
والناس صايبها ذهول
وأن حد قال دا البتاع (الإنفتاح)
يقولوا له مش معقول
وناس تعيش بالبتاع (اللحمة)
وناس تموت بالفول
وناس تنام ع البتاع (الحرير)
وناس تنام كشكول (تتضور من الجوع)
آدي اللي جابه البتاع (الإنفتاح الإقتصادي)
جاب الخراب بالطول
لأنه حتة بتاع (محمد أنور السادات)
مخلب لرأس الغول ( الولايات المتحدة الأميركية)
باع البتاع (البلد) بالبتاع (السلاح)
وعشان يعيش على طول
عيّن حرس بالبتاع (السلاح)
وبرضه مات مقتول

لا تنسى عزيزي القارئ أنه يمكنك تحميل القصيدة من خلال المرفقات

بالتوفيق للجميع .